Mil Baitho Jahan Do Char Ali Ka Zikr Karo
Farmate Hain Khud Sarkar Ali Ka Zikr Karo

Ghairon Ki Mohabat Se Milegi Kab Jannat
Koshish Hai Miyan Bekaar Ali Ka Zikr Karo

Hai Apna Praya Kaun Parakhne Ki Khatir
Mehfil Me Zara Ekbar Ali Ka Zikr Karo

Toofan-e-Hawades Se Kabhi Na Ghabra’o
Hojayega Baida Paar Ali Ka Zikr Karo

Member Ki Bulandi Se To Hota Rehta Hai
Kehta Hai Farazedaar Ali Ka Zikr Karo

Aajayen Dam-e-Aakhir Tumhari Balen Par
Aur Chahate Ho Deedaar Ali Ka Zikr Karo

Dawa Hai Mera Khud Aag Lagegi Seenon Main
Jal Jayenge Sob Aghyaar Ali Ka Zikr Karo

Ye Zikr Kabhi Bhata Nahin Kamzarfoun Ko
Aala Ho Agar Miyar Ali Ka Zikr Karo

Jo Khudko Bachana Sake Tumhe Kya Bachayenge
Ye Sob Hain Miyan Makkaar Ali Ka Zikr Karo

Hojayegi Palbhar Me Dosti Dono Se
Markhad Me Sohail Ekbar Ali Ka Zikr Karo

Categories: Manqabat

Tags: Moula Ali(a.s.)