Sheh Ki Angushtarin Ka Nagina Aye Sakina Sakina Sakina
Tum Ho Sarwar Ke Dil Ki Tamanna Aye Sakina Sakina Sakina
Aaj Aale Nabi Main Khushi Hai – Lab Pa Abbas Ke Bhi Hansi Hai
Shaad Hain Aaj Shah-e-Madina Aye Sakina Sakina Sakina
Shore Salle Ala Ka Hai Har Su – Hain Khushi Ke Bhi Aankhon Me Aansu
Hai Laboun Pe Yehi Ek Naara Aye Sakina Sakina Sakina
Amad-e-Binte Sarwar Se Har Su Mishk ‘O’ Ambar Ki Phailee Hai Khushboo
Us Se Aala Hai Tera Pasina Aye Sakina Sakina Sakina
Sunlo Faryaad Aye Shah zadi Bhardo Sadqe Main Hum Sob Ki Jholi
Tum Ho Toote Dilon Ka Sahara Aye Sakina Sakina Sakina
Apni Godi Main Tujko Jhula Ke Naaz Utha Te The Abbas Tere
Kab Gawara Tha Zamin Par Tha Chalna Aye Sakina Sakina Sakina
Ho Karam Ham Pa Aye Sheh Ki Dukhtar Tumjo Cha ho To Chamke Muqaddar
Hai Bhanwar Main Ye Dil Ka Safina Aye Sakina Sakina Sakina
Tum Ne Aye Dukhtar –e-Shah-e-Wala Har Khadam Pe Kiya Sabr Aisa
Karbala Aaaj Tujse Hai Zinda Aye Sakina Sakina Sakina
Martaba Kya Biyan Ho Tumka Haq Ke Sar Ko Kiya Tum Ne Ooncha
Dee’n Ke Lab Par Hai Tera Qasida Aye Sakina Sakina Sakina
Tumko Sarwar Ne Naazon Se Paala Apni Godi Me Maa Ne Khilaya
Tera Bistar Tha Sarwar Ka Seena Aye Sakina Sakina Sakina
Ye Sohail Aaj Aye Shah zadi Ilteja Tumse Karta Hai Itni
Humko Dikhlado Rouza Tumhaara Aye Sakina Sakina Sakina
Categories: Manqabat
Tags: Shahzadi-e-Sakina(s.a.)