Is Jeet Ka Nashan Hai Eid-e-Mubahela
Sachoun Ki Aan Baan Hai Eid-e-Mubahela

Ye Aaj Saath Saath Jo Kul Panch Noor Hain
Touheed Ka Nashan Hai Eid-e-Mubahela

Haq Aaj Kamyab Hai Sachayee Ki Hai Jeet
Jhutoun Ka Imtehaan Hai Eid-e-Mubahela

Aghyaar Ke Liye Kisi Nashtar Se Kam Nahin
Shiyoun Ka Dil Hai Jaan Hai Eid-e-Mubahela

Jo De Rahi Hai Dawaten Imaan Aaj Bhi
Aisi Bhi Ek Azaan Hai Eid-e-Mubahela

Shamil Mubahele Main Hain Sher-e-Khuda Ali
Eidoun Me Kya Mahaan Hai Eid-e-Mubahela

Bas Panjetan Ke Faiz Se Donoun Jahan Main
Ek Eid-e-Kamraan Hai Eid-e-Mubahela

Tum Dushmanane Aale Nabi Samjhen Kya Bhala
Tumko To Zafraan Hai Eid-e-Mubahela

Ghairoun Ke Isteraab Ka Ba’as Hai Aye Sohail
Apna To Itmenaan Hai Eid-e-Mubahela

Categories: Manqabat

Tags: Imam Hussain(a.s.), Janab-e-Fatima(s.a.), Moula Ali(a.s.), Mubahela, Panjetan