Jabtak Zuban Pe Meri Raha Fatima Ka Naam
Karta Raha Sukoon Ata Fatima Ka Naam
Aasan Tha Mere Vaste Usdam Pool-e-Sirat
Jabtak Chala Main Leta Raha Fatima Ka Naam
Aamaal Mere Vaste Kafi Nathe Magar
Bakshish Ka Meri Raaz Bana Fatima Ka Naam
Kabtak Gila Naseeb Ka Karte Rahoge Tum
Lekar Kabhi To Dekho Zara Fatima Ka Naam
Hoti Nahin Hai Rad Kabhi Us Shaks Ki Dua
Lele Agar Wo Waqt-e-Dua Fatima Ka Naam
Har Lamha Apne Qalbki Taskeen Ke Liye
Lete The Khud Rasool-e-Khuda Fatima Ka Naam
Kirdaar Uska Neik Ho Ye Sounch Kar Sohail
Beti Ko Meri Maine Diya Fatima Ka Naam
Categories: Manqabat
Tags: Janab-e-Fatima(s.a.)