Jis Shaks Ko Moula Tera Irfan Nahin Hai
Be Hub-e-Ali Jism To Hai Jaan Nahin Hai

Moula’ee Hoon Isvaste Tanvir-e- Ali Se
Abaad Hai Marqad Mera Veeran Nahin Hai

Imdad Ko Aate Hain Ali Jab Bhi Pukaroon
Moula Mera Mujse Kabhi Anjaan Nahin Hai

Asghar Ke Tabbasum Pe Ye Kehte’the Sitamgar
Kam Zarbat-e-Hyder Se Ye Muskaan Nahin Hai

Jo Ashk-e-Aza Saat Hain Bakshish Ko Hamari
Ab Is Ke Alawa Koi Samaan Nahin Hai

Ashk-e-Gham-e-Shabbir Hain Jab Khuld Ki Khimat
Is Saude Me Apna Koi Nuqsaan Nahin Hai.

Aghyaar Ki Chowkhat Pe Kabhi Sar Na Jhukana
Is tarha Ke Jeene Me Koi Shaan Nahin Hai.

Tu Majlis ‘O’ Matam Ka Muqalif Hai To Sunle
Bakshish Ka Teri Hashr Me Imkaan Nahin Hai.

Rone Ko Jo Bidat Kahe Shabbir Ke Gham Me
Wo Kufr Ka Paikar Hai Musalmaan Nahin Hai.

Jab Zaanu-e-Sheh Milgaya Tab Jaoun Ye Bola
Ab Aur Mujhe Jeene Ka Armaan Nahin Hai.

Kirdaar Sohail Uska Agar Ho Na Misaali
Ye Sheh Ke Azaadaron Ki Paichaan Nahin Hai.

Categories: Manqabat

Tags: Moula Ali(a.s.)