Jo Koi Saheb-e-Kirdaar Nahin Ho Sakta
Phir Wo Shabbir Ka Ghum Qaar Nahin Ho Sakta

Run Se Jo Bhage Wo Farrar To Ho Sakta Hai
Haan Magar Hyder-e-Karrar Nahin Ho Sakta

Jo Dare Aale Mohammed Pe Jhukade Sar Ko
Wo Kabhi Haq Ka Khatawaar Nahin Ho Sakta

Hai Yaqeen Iska Wo Jannat Mujhe Dilwayega
Ashk-e-Gham Hai Kabhi Bekaar Nahin Ho Sakta

Ek Jhatke Me Ukhade Jo Dar-e-Qaibar Ko
Wo Bajuz Hyder-e-Karrar Nahin Ho Sakta

Wo Bud Atwaar Jo Hota Hai Munafeq Yaaro
Wo Adakaar Azadaar Nahin Ho Sakta

Boliye  Dekh Ke Asghar Ke Tabbassum Ki Taraf
Kya Tabbassum Kabhi Talwaar Nahin Ho Sakta

Yun Bohath Guzre Zamane Me Sana khan-e-Ali
Haan Magar Meesum-e-Tammaar Nahin Ho Sakta

Karde Mansoob Agar Abed-e-Muztar Se Koi
Uska Bachha Kabhi Bimaar Nahin Ho Sakta

Jinko Shabbir Se Nisbat Ho Zamane Me Sohail
Gardishoun Main Wo Giraftaar Nahin Ho Sakta

Categories: Manqabat

Tags: Imam Hussain(a.s.)