Kaoun Samaj Payega Martaba Abbas Ka
Sheh Ko Hai Darkar Khud Aasra Abbas Ka
Madar-e-Hasnain Inhen Kehti Hain Apna Pisar
Karti Hai Rutba Ayaan Fatima Abbas Ka
Karti Rahi Koshishen Hona Saki Kaamyab
Choona Saki Naqsh-e-Pa Al-Qama Abbas Ka
Harkas ‘o’ Nakas Bhala Inki Sana Kya Kare
Karte Hain Ahle Wafa Tazkera Abbas Ka
Rad Nahin Hoti Dua Iska Hai Mujko Yaqeen
Aaj Bhi De De Koi Vaasta Abbas Ka
Lakhon Ke Lashkar Me Bhi Kisme Thi Himmat Bhala
Rokle Badkar Koi Raasta Abbas Ka
Bachke Jari Se Koi Bhag Ke Jaata Kahan
Maimana Abbas Ka Maisara Abbas Ka
Sote Na The Chain Se Jab Talak Abbas The
Taari Tha Aada Pe Yun Dabdaba Abbas Ka
Sheh Ki Ita’at Me The Zabte Shujaat Kiya
Nusrat-e-Haq Me Tha Ye Faisla Abbas Ka
Karte Hain Be-Chain Jab Daher Ke Gham Ya Ali
Naam Main Lele Ta Hoon Aap Ka Abbas Ka
Aag Pe Chalta Hoon Main Leke Alam Shaan Se
Dekh Le Dunya Abhi Moujeza Abbas Ka
Izn Ata Hoga Agar Shah Se Abbas Ko
Dekhti Dunya Sohail Mareka Abbas Ka
Categories: Manqabat
Tags: Hazrath-e-Abbas(a.s.)