Pad Kar Rajaz Ye Sheh Ne Kaha Main Hussain Hoon
Sher-e-Khuda Hai Baba Mera Main Hussain Hoon

Himmat Ho Gar To Aaye Muqabil Koi Mere
Kanpe Hai Mujse Dashte Bala Main Hussain Hoon

Jo Jaanta Nahin Hai Mujhe Aaj Jaan Le
Nana Mera Rasool-e-Khuda Main Hussain Hoon

Fouj-e-Yazeedi Main Ho Agar Koi Soorma
Roke To Koi Waar Mera Main Hussain Hoon

Thokar Se Meri Sainkdoun Chashme Ubal Pade
Paani Ko Main Tarasta Bhala Main Hussain Hoon

Pesh-e-Nazar Mashiyat-e-Parwardigaar Hai
Chahoon – Ulat Doon Karbobala Main Hussain Hoon

Rahib Se Saat Bete Mashiyat Se Rab Ki Hain
Deta Tujhe Main Is Se Siva Main Hussain Hoon

Fitrus Ko Baal ’O’ Par Diye Aur Dil Ne Ye Kaha
Tujko Hai Meri Pehli Ata Main Hussain Hoon

Hoor Ko Gale Laga Ke Ye Shabbir Ne Kaha
Ja Bakshdi Hai Teri Qata Main Hussain Hoon

Jibreel The Samete Hue Apne Par Sohail
Jab Goonjti Thi Run Me Sada Main Hussain Hoon

Categories: Manqabat

Tags: Imam Hussain(a.s.)